ගෙදරදීම කරගත හැකි කුරුලෑ නසන සත්කාර – pimple treatment in sinhala

ගෙදරදීම කරගත හැකි කුරුලෑ නසන සත්කාර – pimple treatment in sinhala

කුරුලෑ කියන්නෙ කාන්තාවන්ගේ සතුරෙක් කිව්වොත් නිවැරැදියි. ඒ තරමටම කරදරකාරී පීඩාවන් ගෙන ඒමට කුරුලෑවලට හැකියාව තිබීම එයට හේතුවයි. කුරුලෑ ඇතිවීමට බලපාන හේතු සාධක කිහිපයක්ම පෙන්වා දිය හැකියි.

ඒ අතරින් මූලිකම හේතුන් වන්නේ සමේ අපිරිසුදු බව සහ ශරීරයේ හෝමෝන ආශ්‍රිත වෙනස්වීම්ය. ඒවාට අමතරව අහිතකර රසායනික සංයෝග අඩංගු ආලේපන භාවිතය, අහිතකර ආහාර ගැනීම, මානසික අවපීඩනය, සමේ තෙතමනය අඩුවීම යන හේතූන්ද කුරුලෑ ඇතිවීමට බලපානවා.

නිවැරැදි ආහාර පුරුදු ඇති කරගැනීම, නිතර සම පිරිසුදුව තබාගැනීම වැනි කරුණු පිළිබඳව නිසි අවධානයක් යොමු කරන්නේ නම් කුරුලෑ ඇතිවීම පාලනය කරගැනීමට ඔබට හැකිවේවි. ඔබ දැනටමත් කුරුලෑවලින් පීඩා විඳින යුවතියක් නම් ඒ සඳහා නිවෙසේදීම කරගත හැකි ස්වාභාවික සත්කාර කිහිපයක් පිළිබඳවත් අපි දැන් සලකා බලමු.

  • අලිගැටපේර සහ මී පැණි මිශ්‍ර කර කුරුලෑ මත ආලේප කර විනාඩි 20ක් තබා සෝදා හරින්න.
  • දින දෙකකට වරක් වැල් මදට ජලය සමඟ මිශ්‍ර කර ආලේප කරන්න.
  • ගස්ලබු කැබැල්ලක් පොඩි කර ආලේප කරන්න. වියළුණු පසු සෝදා හරින්න.
  • ‌ෙදාඩම් ලෙලි වියළා කුඩු කර ජල සමඟ මිශ්‍ර කර ආලේප කරන්න.
  • අල ගෙඩියක් පොඩි කර යුෂ ගෙන ආලේප කර විනාඩි 15කට පසු සෝදා හරින්න.
  • නැවුම් මී පැණි ස්වල්පයක් ආලේප කරන්න.
  • මුහුණ හොඳින් පිරිසුදු කර කුරුලෑ මත කෝමාරිකා ජෙල් ස්වල්පයක් ආලේප කර විනාඩි 20ක් පමණ තබා සෝදා හරින්න.
  • පිපිඤ්ඤා යුෂ ස්වල්පයක් ආලේප කරන්න.
  • පිපිඤ්ඤා යුෂවලට රසකාරක නොයෙදූ යෝගට් ස්වල්පයක් මිශ්‍ර කර ආලේප කරන්න.
  • ලෙමන් යුෂ හා ජලය 1:1 අනුපාතයට ගෙන මිශ්‍ර කර කුරුලෑ මත ආලේප කර වියළෙන්නට හරින්න.
  • මින්චි කොළ කිහිපයක් අඹරා එම මිශ්‍රණයට මී පැණිද මිශ්‍ර කර කුරුලෑ මත ආලේප කරන්න.
  • ‌ෙදාඩම් යුෂ ස්වල්පයක් ආලේප කරන්න.
  • මී පැණි, කුරුඳු කුඩු මිශ්‍ර කර කුරුලෑ මත ආලේප කොට විනාඩි 20ක් තබා සෝදා හරින්න.
  • රසකාරක නොයෙදූ යෝගට්, මී පැණි සමඟ මිශ්‍ර කර ආලේප කරන්න.

සෙව්වන්දි හෙට්ටිආරච්චි